विस्कटलेल्या जिवास या ती बघत असावी
म्हणून माझी जखम अता साकळत असावी
दुनियेवर का उगाच लांछन मलीनतेचे ?
आजकालची विचारसरणी मळत असावी
हाता-तोंडाशी आलेला पैसा जातो
अर्ध्या रस्त्यातून लक्ष्मी वळत असावी
कष्ट सोसल्याचे फळ प्रत्येकाला मिळते
म्हणून बहुधा साय दुधावर धरत असावी
केव्हाचा कोसळतो आहे पाउस येथे
अजूनही वेदना धरेची जळत असावी
दुर्देवी हे झाड किती आक्रंदत आहे !
वेल तोडली गेलेली कळवळत असावी
वैभव फाटक ( ८ जुलै २०१४)
म्हणून माझी जखम अता साकळत असावी
दुनियेवर का उगाच लांछन मलीनतेचे ?
आजकालची विचारसरणी मळत असावी
हाता-तोंडाशी आलेला पैसा जातो
अर्ध्या रस्त्यातून लक्ष्मी वळत असावी
कष्ट सोसल्याचे फळ प्रत्येकाला मिळते
म्हणून बहुधा साय दुधावर धरत असावी
केव्हाचा कोसळतो आहे पाउस येथे
अजूनही वेदना धरेची जळत असावी
दुर्देवी हे झाड किती आक्रंदत आहे !
वेल तोडली गेलेली कळवळत असावी
वैभव फाटक ( ८ जुलै २०१४)
No comments:
Post a Comment